Estetik ginekoloq Bakı | Dr. Zərxanım Abdullayeva

Əsas istiqamət

Estetik və lazer ginekologiya

Cərrahi və qeyri-cərrahi üsullarla forma və funksiyanın bərpası. Bu müraciətlərin çoxu estetik deyil, funksional səbəblərlə bağlıdır — hansı üsulun uyğun olduğu müayinədən sonra müəyyən edilir.

Dr. Zərxanım Abdullayeva cərrahi komanda ilə əməliyyat otağında — ACOGS genital və kozmetik ginekologiya üzrə praktik kurs, Türkiyə

LabioplastikaKiçik cinsiyyət dodaqlarının kiçildilməsi və simmetriyanın bərpası.
VaginoplastikaUşaqlıq yolu divarlarının və ətraf toxumaların bərpası, daraldılması.
PerineoplastikaAralıq nahiyyəsinin bərpası, doğuş cırıqlarının və çapıqların korreksiyası.
CO₂ lazer prosedurlarıQuruluq, atrofiya və yüngül dərəcəli şikayətlərdə qeyri-cərrahi prosedur.
Genital dolğuHialuron turşusu əsaslı preparatlarla həcm və rütubət bərpası.

Estetik ginekologiya haqqında ətraflı

Ginekologiya və mamalıq

Müayinə, müalicə və əməliyyatlar

Estetik ginekologiya ilə yanaşı — vaginizm və sidik qaçırmanın müalicəsi, ginekoloji cərrahiyyə, profilaktik müayinə və hamiləliyin aparılması.

Vaginizmin müalicəsi

Türkiyədə alınmış xüsusi təlim, bu sahədə 10 ildən artıq təcrübə, maksimum 3–4 seansda tamamlanan müalicə.

Ətraflı

Sidik qaçırmanın müalicəsi

Səbəbin müəyyən edilməsi, konservativ üsullar, lazer və göstəriş olduqda cərrahi müalicə.

Ətraflı

Ginekoloji cərrahiyyə

Mioma, yumurtalıq kistası, endometrioz və digər xəstəliklərdə laparoskopik, histeroskopik və açıq əməliyyatlar.

Ətraflı

Profilaktik müayinə

Kolposkopiya, PAP test və HPV müayinəsi — uşaqlıq boynu xəstəliklərinin erkən aşkarlanması.

Ətraflı

Sonsuzluğun müayinəsi

Cütlüyün birlikdə müayinəsi, səbəbin araşdırılması və müalicə planının qurulması.

Ətraflı

Hamiləlik və doğuş

Hamiləliyin planlaşdırılması və aparılması, riskli hamiləliklərin təqibi, təbii doğuş və qeysəriyyə kəsiyi.

Ətraflı

Bütün xidmətlər

Dr. Zərxanım Abdullayeva əməliyyat otağında — Əməliyyat otağında

Həkim haqqında

Qadın sağlamlığı və estetikası

Mən Zərxanım Abdullayeva — bir çox xəstəm məni Zərxanım Məmmədova kimi tanıyır. Səhiyyə Nazirliyinin Elmi-Tədqiqat Mamalıq və Ginekologiya İnstitutunda mama-ginekoloq kimi çalışıram.

İşimin əsas istiqaməti estetik və lazer ginekologiyadır — çox vaxt qadınların uzun illər danışmağa çəkindiyi problemlər: doğuşdan sonra yaranan dəyişikliklər, narahatlıq və ağrı. Bununla yanaşı ginekoloji cərrahiyyə ilə məşğul oluram, hamiləliyi əvvəldən sona qədər aparıram və doğuş otağında körpəni sağlam qarşılayıram.

Hər iki halda yanaşmam eynidir: əvvəlcə diaqnoz, sonra izah, ən sonda müalicə. Xəstə nəyin, niyə və necə ediləcəyini başa düşmədən heç bir müdaxiləyə başlamıram.

Həkim haqqında ətraflı

Qəbul

Qəbul necə keçir

Söhbət
Şikayətlərinizi, aybaşı tarixçənizi, keçirdiyiniz hamiləlik və əməliyyatları, qəbul etdiyiniz dərmanları danışırıq. Əvvəlki analiz və müayinə nəticələrinizi özünüzlə gətirin.
Müayinə
Ginekoloji baxış və göstəriş olduqda ultrasəs müayinəsi aparılır. Nə edəcəyimi əvvəlcədən izah edirəm — gözlənilməz heç nə olmur.
Diaqnoz və plan
Lazım olduqda yaxma, PAP test, HPV və hormon müayinələri təyin edilir. Nəticələr hazır olduqda müalicə variantlarını birlikdə nəzərdən keçiririk.
Təqib
Müalicə və ya əməliyyatdan sonra nəzarət qəbulları planlaşdırılır. Aralıqda yaranan suallarınızı WhatsApp vasitəsilə yaza bilərsiniz.

Peşəkar inkişaf

Beynəlxalq təlimlər

Estetik ginekologiya, ginekoloji cərrahiyyə və mamalıq üzrə beynəlxalq kurs və simpoziumlarda iştirak.

ACOGS · TürkiyəGenital və kozmetik ginekologiya üzrə praktik kursEstetik Kozmetik Jinekoloji ve Cinsel Sağlık Derneği
Haifa, İsrail · 2018“Innovations in Women's Health” beynəlxalq kursuGolda Meir MASHAV “Carmel” Beynəlxalq Təlim Mərkəzi
BakıReproduktiv sağlamlıq və sonsuzluq üzrə beynəlxalq simpoziumTürkiyəli mütəxəssislərin iştirakı ilə

Mətbuatda

“Kontraseptivin effektivliyi onun düzgün istifadə olmasından birbaşa asılıdır.”

Səhiyyə Nazirliyinin rəsmi saytına verilmiş müsahibədən, oktyabr 2024

Trend Lent.az Bütün çıxışlar

Xəstələrin sualları

FAQ

Qəbullarda ən çox eşitdiyim suallar və qısa cavabları.

FAQ bölməsi

Lazer, yoxsa əməliyyat?

Bu, şikayətin dərəcəsindən asılıdır. Lazer selikli qişa dəyişiklikləri, quruluq və yüngül genişlənmələrdə nəticə verir. Nəzərəçarpan genişlənmə, divar sallanması, doğuş cırıqları və çapıqlar isə cərrahi bərpa tələb edir.

Ginekoloqa nə qədər tez-tez getmək lazımdır?

Cinsi həyatı olan hər qadına ildə ən azı bir dəfə profilaktik ginekoloji müayinə tövsiyə olunur. Şikayət olmadıqda belə — çünki uşaqlıq boynunun xərçəngönü dəyişiklikləri və bir çox infeksiya uzun müddət heç bir simptom vermir.

"Eroziya" diaqnozu nə deməkdir?

Uşaqlıq boynunun həqiqi eroziyası qadınların yalnız kiçik bir hissəsində rast gəlinir. Müayinədə "eroziya" adlandırılan görüntünün əksəriyyəti ektopiyadır və çox vaxt norma variantıdır. Qərar PAP test və kolposkopiya nəticəsinə görə verilir.

Uşaq əmizdirərkən hamilə qalmaq mümkündürmü?

Bəli. Əmizdirmə dövründə qoruyucu təsir müvəqqətidir və əlavə qidalanma başladıqda zəifləyir. Yumurtlama ilk aybaşıdan əvvəl də baş verə bilər, buna görə kontrasepsiya üsulunu vaxtında həkimlə müzakirə etmək lazımdır.

Bloq